Тамды ауылдық мәдениет үйінде «Діни сауаттылық – қоғам қауіпсіздігі» тақырыбында кездесу өтті
Тамды ауылдық мәдениет үйінде «Алға аудандық дін мәселелері және қоғаммен байланыс жөніндегі орталығы» КММ-нің ұйымдастыруымен «Діни сауаттылық – қоғам қауіпсіздігі» тақырыбында ақпараттық-түсіндіру кездесуі өткізілді.
Іс-шараның мақсаты – тұрғындардың діни сауаттылығын арттыру, дәстүрлі діни құндылықтарды насихаттау, діни экстремизм мен терроризм идеологиясының алдын алу, сондай-ақ қоғамдағы тұрақтылық пен бірлікті нығайту болды.
Кездесуге Тамды ауылдық округінің тұрғындары мен мемлекеттік мекемелердің ұжымдары қатысты. Шара барысында қатысушылар өздерін қызықтырған сұрақтарын қойып, мамандар тарапынан жан-жақты түсіндірме алды.
