Ағымдағы жылдың 28–30 шілде аралығында Қызылорда облысының аумағында «Тасымалдаушы» жедел-профилактикалық іс-шарасы өткізілуде. Іс-шараның негізгі мақсаты – жолаушылар тасымалын жүзеге асыратын көлік құралдарының қауіпсіздігін қамтамасыз ету, жол жүрісі қағидаларын бұзудың алдын алу, сондай-ақ жол-көлік оқиғаларының санын азайту. Іс-шара барысында полиция қызметкерлері қоғамдық көлік пен жолаушыларды тасымалдайтын автокөліктерге бақылауды күшейтіп, жүргізушілердің жол қозғалысы ережелерін сақтауына, көлік құралдарының техникалық жай-күйіне және заңнама талаптарының орындалуына ерекше назар аударады. Жол қауіпсіздігі – баршамызға ортақ жауапкершілік.
