Қызылорда облысы бойынша Тексеру комиссиясының төрағасы М.О. Қалдарбеков ұжым қызметкерлері атынан Мемлекеттік аудит бөлімінің бас инспекторы – мемлекеттік аудиторы Алматов Нұрлан Серікұлын мерейлі 50 жасқа толуымен құттықтады.
Нұрлан Серікұлы қаржы саласында ұзақ жылдар бойы табысты қызмет атқарып келеді. Оның 24 жылдан астам еңбек өтілі есепші, бас есепші, бас маман, бас маман-тексеруші, бас бақылаушы-тексеруші, бас маман-бақылаушы, бас маман–мемлекеттік аудитор, бас инспектор – мемлекеттік аудитор секілді жауапты лауазымдармен тығыз байланысты. Осы жылдар ішінде ол өзіне жүктелген міндеттерді жоғары кәсіби деңгейде, адалдықпен әрі зор жауапкершілікпен орындап, әріптестерінің құрметіне ие болды.Сонымен қатар, ол «Қаржы сақшысы» медалінің иегері.
Құттықтау барысында Мұса Оспанұлы мерейтой иесіне мықты денсаулық, отбасына амандық, бақ-береке, қызметіне толағай табыс және жаңа жетістіктер тіледі.
