Бүгін, Қазақстан Республикасының Еңбек және халықты әлеуметтік қорғау министрінің төрағалығымен өткен аппараттық кеңестің хаттамалық тапсырмасына сәйкес Түркістан қаласында кәмелеттік жасқа толмаған жасөспірімдердің еңбек құқығын бақылау мақсатында кезекті профилактикалық рейдтік іс-шара жалғасын тапты. Рейдтік іс шара Департаменттің мемлекеттік еңбек инспекторы Н.Сыздыковтың және Түркістан қалалық полиция басқармасының кәмелетке толмағандар ісі жөніндегі инспекторларының бастауымен Түркістан қаласында орналасқан "Ұлы тау", "Ақбаян" тойханаларыда, "Мaki maki" тез дайындалатын тағамдар орталығында жүргізілді. Рейд барысында еңбек шартынсыз жұмыс жасап жүрген кәмелеттік жасқа толмаған 4 жасөспірімдер анықталып, Түркістан қалалық полиция басқармасына жеткізілді. Осындай рейдтік іс-шара алдағы уақытта өз жалғасын табатын болады.
