ОКҚ алаңында өткен баспасөз конференциясында ҚР әділет вице-министрі Даниель Ваисов атқарушылық іс жүргізуді жетілдіруге бағытталған заңнамалық түзетулердің негізгі жаңалықтарын таныстырды.

Жаңа өзгерістер атқарушылық іс жүргізуге қатысушылардың құқықтарын қорғау кепілдіктерін кеңейтуді көздейді. Атап айтқанда, әкімшілік айыппұлдар мен салық берешегін жеңілдетілген тәртіппен өндіріп алу шегі 20 АЕК-тен 40 АЕК-ке дейін ұлғайтылды.