Үстіміздегі жылдың 14 шілде күні Департаменттің "Арнайы тергеп-тексеру комиссиясын құру туралы" бұйрығына сәйкес Департаменттің мемлекеттік еңбек инспекторы Төленов Мұхтар Өтегенұлы Сайрам ауданында орналасқан «Ultradecor Trading Kazakhstan» ЖШС-де орын алған жазатайым оқиғаға байланысты арнайы тергеп-тексеру жүргізді. Арнайы тексеру комиссиясы жазатайым оқиға орын алған жерге арнайы барып, мән-жайларын жан-жақты зерделеп, тексеру барысында қызметкердің еңбек міндеттерін орындау жағдайы, еңбек қауіпсіздігі және еңбекті қорғау талаптарының сақталуы, сондай-ақ қауіпсіздік техникасы бойынша нұсқамалардың жүргізілуі қарастырылды. Өндірістегі еңбек қауіпсіздігін қамтамасыз ету, қызметкерлердің өмірі мен денсаулығын қорғау – әрбір жұмыс берушінің заңмен белгіленген негізгі міндеттерінің бірі. Сондықтан еңбек қауіпсіздігі талаптарын қатаң сақтау және өндірістік тәуекелдердің алдын алу барлық тарап үшін маңызды.
