Қаратал ауылдық округіндегі Мичурин атындағы негізгі орта мектеп ғимаратында шатырды ауыстыру жұмыстары қарқынды жүргізілуде.
Аталған жоба білім беру мекемесінің материалдық-техникалық базасын жақсартуға және оқушылар мен педагогтер үшін қауіпсіз әрі қолайлы жағдай жасауға бағытталған.
Жөндеу жұмыстарына 17 950 987 теңге қаржы бөлінді. Жобаны мердігер ұйым – «AldiYard» ЖШС жүзеге асыруда.
Құрылыс жұмыстары белгіленген кестеге сәйкес жүргізіліп, аяқталғаннан кейін мектеп ғимаратының шатыры толықтай жаңартылатын болады.
