30 қазан күні Алматы облысының әкімі Марат Сұлтангазиев жұмыс сапары аясында Қонаев қаласының тұрғындарымен кездесу өткізді. Кездесу Қосқұдық ауылының №9 орта мектебінде өтті.
Кездесуге облыстық мәслихаттың төрағасы Қуат Байғожаев, облыстық басқармалардың басшылары, қаланың әкімдері және жауапты мамандар қатысты.
Тұрғындар әлеуметтік инфрақұрылымды дамыту, жолдар мен инженерлік желілерді жөндеу, сумен және электр энергиясымен қамтамасыз ету, сондай-ақ денсаулық сақтау мен білім сапасын жақсарту мәселелерін талқылады. Облыс әкімі әрбір өтінішті мұқият тыңдап, өзекті мәселелерді шешуге нақты тапсырмалар берді.
Кездесуден кейін облыс әкімі азаматтарды жеке қабылдап, олардың өтініштерін қарады және барлық сұрақтарды бақылауға алып, тиісті органдарға тапсырмалар берді.
