Медициналық-әлеуметтік сараптама (МӘС) мүгедектікті белгілеу туралы оң шешім қабылдаған жағдайда, электрондық анықтама автоматты түрде қалыптастырылып, eGov.kz порталы мен eGov Mobile мобильді қосымшасының «Цифрлық құжаттар» бөлімінде қолжетімді болады.
Азаматтарға ақпараттық-түсіндіру жұмыстарын жүргізу мақсатында №1 медициналық-әлеуметтік сараптама бөлімінің бөлім басшысы Молдабекова Марал Молдабековна мүгедектік туралы электрондық анықтаманы алу тәртібі жөнінде бейнетүсіндірме әзірлеп, азаматтарды қызықтыратын негізгі сұрақтарға жауап берді.
Ресми сайттың техникалық мүмкіндіктеріне байланысты бейнематериалды жариялау қарастырылмаған. Бейнетүсіндірмені Департаменттің Instagram және Facebook әлеуметтік желілеріндегі ресми парақшаларынан көре аласыздар.
