Жазғы шомылу маусымына байланысты Түпқараған ауданының полиция қызметкерлері азаматтардың қауіпсіздігін қамтамасыз ету мақсатында профилактикалық іс-шаралар өткізді.
Іс-шара барысында демалушыларға судағы қауіпсіздік ережелері түсіндіріліп, жазатайым оқиғалардың алдын алу бойынша ескертулер берілді. Сонымен қатар азаматтарға балаларды қараусыз қалдырмау, тек рұқсат етілген жағажайларда шомылу және қауіпсіздік талаптарын қатаң сақтау қажеттігі ескертілді.
Қоғамдық тәртіптің сақталуы полиция қызметкерлерінің тұрақты бақылауында болды. Мұндай профилактикалық жұмыстар жазғы кезеңде тұрғындар мен қонақтардың қауіпсіз демалысын қамтамасыз ету мақсатында алдағы уақытта да жалғасады.
