Қазақстан Республикасының қолданыстағы заңнамасына сәйкес, азаматтардың жеке меншік құқығы мемлекет қорғауында болады. Әрбір азаматтың тұрғын үйіне, жер учаскесіне және өзге де мүлкіне қол сұғылмауы заңмен қамтамасыз етілген.
Меншік құқығын қорғау – құқықтық мемлекеттің негізгі қағидаттарының бірі. Азаматтардың заңды мүдделерін сақтау, меншікке заңсыз қол сұғудың алдын алу және құқық бұзушылықтарға жол бермеу мақсатында құқық қорғау органдары тарапынан тұрақты түрде түсіндіру және профилактикалық жұмыстар жүргізілуде.
Сонымен қатар, меншік құқығының сенімді қорғалуы қоғамдағы құқықтық тәртіпті нығайтып қана қоймай, инвестициялық ахуалды жақсартуға, кәсіпкерлікті дамытуға және азаматтардың мемлекетке деген сенімін арттыруға оң ықпал етеді.
Азаматтарды заң талаптарын сақтауға, өз құқықтарын қорғауға және меншікке қатысты құқық бұзушылықтарға жол бермеуге шақырамыз. Заң талаптарын сақтау – қоғамдық тәртіп пен тұрақтылықтың басты кепілі.
