Павлодар облысының барлық мектептерінде Павлодар Ертіс өңірінің атақты жерлестері мен Қазақстанның ғылым, мәдениет, білім, спорт, өнер, қоғамдық және мемлекеттік қызмет салаларының дамуына елеулі үлес қосқан көрнекті қайраткерлеріне арналған бірыңғай тақырыптық күн өткізу аясында «Ұлы даланың ұлағатты тұлғалары» атты «Ауыл Camp» мектеп жанындағы лагерьдің тәрбиеленушілеріне қазақтың көрнекті жазушысы, ақыны, аудармашысы, фольклортанушысы және балалар әдебиетінің негізін қалаушылардың бірі Сапарғали Бегалин жайлы таныстырылым өткізілді.
Іс-шараның басты мақсаты – оқушылардың туған жеріне деген мақтаныш сезімін қалыптастыру, көрнекті тұлғалардың өмірі мен жетістіктерімен таныстыру арқылы олардың мұрасын балаларға заманауи әрі қызықты форматта насихаттау.
