Қазақстан Республикасы Өнеркәсіп және құрылыс министрінің 2026 жылғы 16 маусымдағы № 310 «Құрылыс объектісін апатты және бұзуға немесе қайта жаңартуға жатады деп тану қағидалары мен негіздерін бекіту туралы» бұйрығына өзгерістер енгізілді.
Енді ведомствоаралық комиссия құрылыс объектісін авариялық деп тану үшін уәкілетті мемлекеттік органның, жергілікті атқарушы органның өкілдерінен, сондай-ақ қажет болған жағдайда азаматтық қорғау, халықтың санитариялық-эпидемиологиялық саламаттылығы саласындағы уәкілетті органдардың және өзге де мемлекеттік органдардың өкілдерінен олардың құзыреті шегінде қалыптастырылады.
Құрылыс объектісін апатты және бұзуға немесе қайта жаңартуға жатады деп тану туралы қабылданған Әкімшілік акт жазбаша нысанда құрылыс объектісінің меншік иесіне (меншік иелеріне) мынадай тәсілдердің бірімен жіберілетіні нақтыланды:
1) қол қою арқылы тапсыру;
2) тапсыру туралы хабарламасы бар пошта жөнелтілімімен жіберу;
3) ресми мемлекеттік ақпараттық жүйелер арқылы электрондық құжат нысанында Жолдау;
4) уәкілетті органның немесе жергілікті атқарушы органның ресми интернет-ресурсында орналастыру.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
