Бүгін Денсаулық сақтау басқармасының базасында Қазақстан Республикасы Денсаулық сақтау министрлігінің тапсырмасы және Мемлекет басшысының тапсырмаларын орындау аясында ұйымдастырылған алғашқы іс-шара өтті.
Кездесудің негізгі тақырыбы жедел медициналық көмек пен санитариялық авиация қызметін ұйымдастыру мәселелері болды.
Спикер ретінде Қостанай облыстық жедел және шұғыл медициналық көмек станциясы бас дәрігерінің орынбасары Олег Мелешенко сөз сөйледі. Ол жедел медициналық көмек қызметінің жұмыс ерекшеліктері, шұғыл медициналық көмек көрсету тәртібі және санитариялық авиацияның мүмкіндіктері туралы баяндады.
Іс-шараға өңірдің медициналық ұйымдарының басшылары қатысты.
2026 жылдың соңына дейін тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) жүйесі шеңберінде медициналық көмек көрсету, аурулардың профилактикасы және скринингтік тексерулер, дәрілік заттармен қамтамасыз ету, балалардың денсаулығын қорғау, оңалту, орфандық аурулар, пациенттердің құқықтарын қорғау және кері байланыс тетіктері мәселелерін қарау жоспарлануда.
Іс-шаралардың мақсаты – денсаулық сақтау саласындағы өзекті мәселелерді талқылау, тәжірибе алмасу және облыстың медициналық ұйымдары мен бейінді қызметтерінің тиімді өзара іс-қимылы негізінде медициналық көмекті жетілдіру бойынша ортақ тәсілдерді әзірлеу.
