Қазақстан Республикасының Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Түркістан облысы бойынша департаменті·Жаңалықтар мұрағаты
2027 жылдың 1 қаңтарынан бастап қандай жәрдемақылардың тәртібі өзгереді? Әлеуметтік көмек кімдерге және қандай талаптар бойынша беріледі? А-дан Е-ге дейінгі санаттар не үшін қайта қаралады? Көмек шын мұқтаж азаматтарға жете ме?
«Ортақ шешім» подкастының жаңа шығарылымында әлеуметтік қолдау жүйесіндегі алдағы өзгерістерді талқылап, көпшілікті толғандырған сауалдарға жауап іздейміз.
Талқыланатын тақырыптар:
• Келер жылдың 1 қаңтарынан бастап қандай мемлекеттік жәрдемақыларды тағайындау тәртібі өзгереді;
• әлеуметтік көмекті отбасының әл-ауқатына қарай тағайындау не үшін қажет;
• А-дан Е-ге дейінгі санаттар қалай өзгереді және олар нені білдіреді;
• жаңа тәртіп бойынша кімдер әлеуметтік көмек ала алады?
Жүргізуші – журналист Гүлмира Әбіқай.
Қатысушылар:
Айнұр Әбдірахманова – ҚР Еңбек және халықты әлеуметтік қорғау министрлігі Арнайы әлеуметтік көмек департаментінің директоры;
Рашид Кемеңгер – Қазақстандық қоғамдық даму институтының Отбасы және гендерлік саясат орталығының сарапшысы.
Әлеуметтік көмекке қатысты өзгерістер, жаңа талаптар мен көпшілікті толғандырған сауалдарға жауап – «Ортақ шешім» подкастында.
Толық шығарылымды көріп, өз сауалыңызды қалдырыңыз!
