1 / 3
Атырау қаласындағы Құлманов көшесі, 15 мекенжайында орналасқан «Гранд Атырау» тұрғын үй кешенінің «Б» блогында лифттің үшінші қабаттан авариялық төмен түсуі орын алды.
Атырау қаласының әкімі Данияр Таханов оқиға орнына арнайы барып, жағдайды өз көзімен көріп, тұрғындармен және жауапты қызмет өкілдерімен сөйлесті. Оқиғаның мән-жайын тікелей бақылауына алды.
Шаһар басшысы жауапты қызметтерге лифттің авариялық төмен түсуіне себеп болған жағдайды шұғыл анықтауды, сондай-ақ қаладағы барлық лифтілердің техникалық жағдайына толық тексеру жүргізіп, олардың қауіпсіздік деңгейін бағалауды тапсырды.
Мәселе қала әкімінің тікелей қадағалауында.
