Іс-шара барысында облыстық спорттық жарыстардың жеңімпаздары мен жүлдегерлері сертификаттармен марапатталды.

Жазғы спорттық мереке «Ақ бидай» бағдарламасы аясында волейболдан Солтүстік Қазақстан облысының бес дүркін чемпиондарына ерекше құрмет көрсетілді. Жоғары спорттық жетістіктері үшін команда Солтүстік Қазақстан облысы Әуесқойлар лигасының кубогымен де марапатталды.

Сондай-ақ жазғы спорттық мереке «Ақ бидай» бағдарламасы аясында үстел теннисінен Солтүстік Қазақстан облысының чемпиондары да құрметке бөленді.

Сонымен қатар, «Ақ бидай» облыстық спорттық іс-шарасында ерлер командалары арасында баскетболдан жүлделі орындарға ие болған спортшылар, сондай-ақ «Ақ бидай» облыстық спорттық мерекесінде әйелдер командалары арасында волейболдан жүлдегер атанған спортшылар марапатталды.

Спортшыларымыздың бұл жетістіктері — табанды жаттығулардың, командалық рухтың, жаттықтырушылардың кәсіби еңбегінің және жоғары нәтижелерге деген ұмтылыстың нәтижесі. Облыстық деңгейдегі жеңістер мен жүлделі орындар Тимирязев ауданының абыройын асқақтатып, ауданның спорттық дәстүрлерін нығайтуға зор үлес қосуда.