«Мемлекеттік сатып алу туралы» және «Сыбайлас жемқорлыққа қарсы іс-қимыл туралы» заңдар бойынша түсіндіру жұмысы жүргізілді.
«Алакөл ауданының Қамысқала ауылдық округі әкімінің аппараты» мемлекеттік мекемесінде Мемлекеттік орган қызметшілері арасында «Мемлекеттік сатып алу туралы» және «Сыбайлас жемқорлыққа қарсы іс-қимыл туралы» заңдарды түсіндіру жұмысы жүргізілді.
Мемлекеттік қызметшілердің құқықтық сауаттылығын арттыру, заң талаптарын сақтау мәдениетін қалыптастыру және сыбайлас жемқорлық құқық бұзушылықтарының алдын алу мақсатында мемлекеттік орган қызметшілері арасында «Мемлекеттік сатып алу туралы» және «Сыбайлас жемқорлыққа қарсы іс-қимыл туралы» Қазақстан Республикасының заңдарын түсіндіру жұмысы жүргізілді.
Іс-шара барысында мемлекеттік сатып алу рәсімдерін заң талаптарына сәйкес ұйымдастыру, бюджет қаражатын тиімді әрі мақсатты пайдалану, ашықтық пен әділ бәсекелестікті қамтамасыз ету мәселелері түсіндірілді. Сонымен қатар, мемлекеттік сатып алу кезінде сыбайлас жемқорлық тәуекелдеріне жол бермеу, қызметтік міндеттерді адал орындау және қабылданатын шешімдердің заңдылығын сақтау қажеттігі атап өтілді.
Сондай-ақ, сыбайлас жемқорлықтың алдын алу, мүдделер қақтығысын болдырмау, заңсыз сыйақылар мен сыйлықтарды қабылдауға жол бермеу, қызметтік әдеп нормаларын сақтау және сыбайлас жемқорлық құқық бұзушылықтары туралы хабарлау мәселелеріне ерекше назар аударылды.
Түсіндіру жұмысының қорытындысы бойынша мемлекеттік қызметшілерге заң талаптарын қатаң сақтау, қызметтік міндеттерін жауапкершілікпен орындау, ашықтық пен адалдық қағидаттарын ұстану қажеттігі жеткізілді.
Аталған жұмыс мемлекеттік қызметшілердің құқықтық мәдениетін арттыруға, сыбайлас жемқорлық тәуекелдерін төмендетуге және халықтың мемлекеттік органдарға деген сенімін нығайтуға бағытталған.
