30 қазанда Қарағандыда IT және Digital мамандары, кәсіпкерлер мен бизнес өкілдеріне арналған неконференция ұйымдастырылады.
Іс-шара бағдарламасында қатар өтетін екі бағыт, сарапшылардың баяндамалары, нақты тәжірибеден алынған кейстер, пікір алмасу және еркін форматтағы кездесулер қарастырылған. Бұл – пікірлес жандарды табуға, кәсіби байланыстарды кеңейтуге және бүгінгі бизнес пен IT саласында болып жатқан өзгерістермен танысуға мүмкіндік беретін алаң.
Қазан айындағы неконференцияның спикерлері:
- Альбина Мұқтар – The TajMagazine медиасының негізін қалаушы. Баяндамасының тақырыбы: «Агенттіктен медиаға дейін: креатив, стратегия және көпсалалылық редакцияның дәстүрлі моделін қалай өзгертті?»;
- Карина Шарақбаева – WOOPPAY компаниясының HR-менеджері. Баяндамасы: «HR маманы үміткер туралы алғашқы 15 секундта қалай шешім қабылдайды?»;
- Ақжан Оқсықбаева – Creativity Studio компаниясының тең құрылтайшысы әрі бас продюсері. Баяндамасы: «Мінсіз емес бизнес: ісін жаңадан бастаған кәсіпкерлерге арналған үздік 5 кеңес»;
- Арсен Бақтығалиев – Taza GO компаниясының тең құрылтайшысы әрі техникалық директоры (CTO). Баяндамасы: «ChatGPT код жазса, әзірлеуші не үшін қажет?»;
- Арман Мырзақанұров – Plata компаниясының iOS бағдарламалық жасақтама инженері. Баяндамасы: «Оқыту мен менторлық тәлімгердің өзін қалай дамытады?»;
- Бекет Берікұлы – Golang тілінде жұмыс істейтін аға әзірлеуші (Senior Golang Developer). Баяндамасы: «Junior кезеңінен кейін: әзірлеушінің шынайы жұмыс өмірі».
Қатысушыларды пайдалы таныстықтар, спикерлермен тікелей тілдесу, жаңа білім мен тәжірибе алмасуға мүмкіндік беретін еркін форматтағы кофе-брейк күтеді.
Өтетін күні: 30 қазан, сағат 18:30.
Өтетін орны: «Террикон алқабы» IT-хабы, Алалыкин көшесі, 12.
Форматы: офлайн және онлайн.
Қатысу тегін.
Тіркелу: terricon.kz
Неконференция Қарағанды облысының цифрлық технологиялар басқармасының қолдауымен өткізіледі
