memleket.kz

    ЗАҢ ЖӘНЕ ТӘРТІП: АЗАМАТТАРҒА ҚҰҚЫҚТЫҚ КӨМЕК КӨРСЕТІЛДІ

    Алматы облысының Әділет департаменті·Жаңалықтар мұрағаты
    1 / 6

    2026 жылғы 16 қазанда «Әділет кеңес береді» акциясы аясында Алматы облысы Әділет департаментінің Қарасай ауданының ауданаралық мәжбүрлеп орындату бөлімі филиалы, Алматы облысы Әділет партиясының Қарасай ауданы бойынша алаңында азаматтарға қабылдау жүргізді.
    Қабылдау барысында азаматтарға атқарушылық іс жүргізу органдарының құзыретіне кіретін мәселелер бойынша тегін құқықтық кеңестер берілді.
    Атап айтқанда, банктік шоттарға салынған тыйымды алып тастау, атқарушылық іс жүргізу, сондай-ақ алимент өндіріп алу мәселелеріне ерекше назар аударылды.
    Мамандар азаматтарға атқарушылық әрекеттерді жүзеге асыру тәртібін түсіндіріп, олардың сұрақтарына жауап берді және қолданыстағы заңнамаға сәйкес қажетті құқықтық түсіндірмелер берді.
    Мұндай іс-шараларды өткізу халықтың құқықтық сауаттылығын арттыруға, құқықтық көмектің қолжетімділігін қамтамасыз етуге, сондай-ақ азаматтардың заңды құқықтары мен мүдделерін қорғауға және қалпына келтіруге бағытталған.

    Жаңалықтардан хабардар болыңыз@memleket_newsҚазақстандағы маңызды оқиғалардан хабардар болу үшін memleket.kz Telegram арнасына жазылыңыз.Жазылу

    Ұқсас материалдар

    Барлық жаңалықтар

    "Алматы облысының Әділет департаменті" жаңалықтары

    Барлық жаңалықтар
    Келесі жаңалық