Байғанин ауданында ҚР Қаржы министрлігі Ішкі мемлекеттік аудит комитетінің тапсырмасына сәйкес, қаржы саласының мамандарына арналған семинар-кеңес ұйымдастырылды.
🔹Жиынға Ақтөбе облысы бойынша Ішкі мемлекеттік аудит департаментінің Сәйкестік аудиті бөлімінің басшысы Нұрлыбек Алиев пен Камералдық бақылау бөлімінің басшысы Нұрлан Құсейнов қатысты.
🔹Семинарға аудандық мемлекеттік мекемелердің, қазыналық кәсіпорындардың және ауылдық округ әкімдіктерінің басшылары, есепшілері мен қаржы саласына жауапты мамандары қатысты.
🔹Кездесу барысында құрылыс-монтаждау жұмыстары шарттарының орындалуына камералдық бақылау жүргізудің жаңа тетіктері, онлайн бюджеттік мониторинг, камералдық бақылау қағидаларына енгізілген өзгерістер, сондай-ақ электрондық дүкен арқылы мемлекеттік сатып алуды жоспарлау мәселелері жан-жақты түсіндірілді.
🔹Іс-шара соңында қатысушылар өзекті мәселелер бойынша сұрақтарын қойып, тиісті мамандардан нақты жауаптар алды.
🔹Семинар-кеңес қаржылық тәртіпті нығайтуға, мемлекеттік сатып алу рәсімдерінің тиімділігін арттыруға және сала мамандарының кәсіби біліктілігін жетілдіруге бағытталды.
