Әлеуметтік фронт-офистегі Ашық есік күні

2026 жылғы 15 қазанда әлеуметтік қорғау саласындағы реттеу және бақылау комитетінің өңірлік департаментінің әлеуметтік фронт-офисінде Ашық есік күні өтті. Павлодар және облыс аудандарының тұрғындары өздерін толғандыратын барлық тақырыптар бойынша мамандармен жеке кеңес ала алды . Келушілер зейнетақыларды, мемлекеттік жәрдемақыларды, зиянды еңбек жағдайларында жұмыс істегені үшін арнайы төлемдерді, асыраушысынан айрылу бойынша жәрдемақыларды және әлеуметтік заңнаманың басқа да аспектілерін ресімдеу тәртібі туралы сұрақтармен жүгінді. Департамент қызметкерлері құқық нормаларын егжей- тегжейлі түсіндірді, даулы жағдайларда көмектесті және құжаттарды тексерді. Алдын ала дайындыққа ерекше назар аударылды — мысалы, болашақ зейнетке шығу үшін қағаз жинау. Көптеген азаматтар жақындарынан немесе ХҚКО -лардан консультациялар туралы білетіндерін атап өтті және мамандардың жұмысын жоғары бағалады: түсінікті және сенімді жауаптар, қол жетімділік және іс- қимыл алгоритмін алдын ала анықтау мүмкіндігі. Мұндай кездесулерді өткізу департаменттің басты басымдығы — мемлекеттік органдардың ашықтығы мен өңірдің әрбір тұрғыны үшін көмектің қолжетімділігін көрсетеді .