Ақтөбе облысы кәсіпкерлерінің экспорттық мүмкіндіктерін кеңейту және отандық өнімдердің жаңа нарықтарға шығуына жағдай жасау мақсатында Өзбекстан Республикасымен сауда-экономикалық ынтымақтастықты дамыту мәселелері талқыланды.
8–10 қазан аралығында облыс әкімінің орынбасары Абзал Әбдікәрімов бастаған делегация Өзбекстанға жұмыс сапарымен барып, бірқатар іскерлік кездесулер өткізді.
Делегация TEXNOPARK индустриялық кешенінің қызметімен танысып, Өзбекстанның Сауда-өнеркәсіп палатасы мен Korzinka сауда желісінің өкілдерімен келіссөздер жүргізді.
Кездесулер барысында қазақстандық өнімдерді Өзбекстан нарығына шығару, сауда байланыстарын кеңейту және өндірістік тәжірибе алмасу бағыттары қарастырылды.
Өзбекстанмен әріптестікті дамыту – Ақтөбе облысының экспорттық әлеуетін арттыруға, жергілікті кәсіпорындардың нарықтағы мүмкіндіктерін кеңейтуге және жаңа іскерлік байланыстар орнатуға жол ашады.
