Полицияға бірнеше түймені басу арқылы хабарласу: ШҚО-да цифрлық сервистердің танымалдығы артуда
Шығыс Қазақстан облысының тұрғындары полициямен байланыс орнату үшін цифрлық сервистерді белсенді түрде қолдануда. Құқық бұзушылық немесе оқиға туралы бөлімшелерге жеке бармай-ақ, мобильді қосымшалар мен онлайн-платформалар арқылы хабарлауға болады.
2026 жылдың тоғыз айында ШҚО Полиция департаментіне цифрлық сервистер арқылы 1 185 өтініш келіп түскен. Оның ішінде 637-сі жол жүру ережелерін бұзуға, ал 494-і басқа да құқық бұзушылықтарға қатысты.
Ең сұранысқа ие арна eGov Mobile болды — ол арқылы 525 өтініш түскен. Сондай-ақ тұрғындар Kaspi.kz арқылы 445 хабарлама жіберсе, тағы 208 өтініш Police-102 сервисі арқылы қабылданды.
Цифрлық сервистердің практикалық пайдасын нақты мысалдар да растайды. Мәселен, Өскемен қаласында SOS дабыл түймесі арқылы түскен өтініш полицейлерге ұрлық жасады деген күдіктіні кезекші тәулік ішінде анықтауға көмектесті.
Келіп түскен барлық хабарламалар белгіленген тәртіппен қаралып, олар бойынша тиісті шаралар қабылдануда.
ШҚО Полиция департаменті тұрғындарды құқық бұзушылықтар мен оқиғалар туралы уақтылы хабардар ету үшін қолжетімді цифрлық сервистерді пайдалануға шақырады. Бұл ақпаратты полицияға ыңғайлы әдіспен жеткізуге мүмкіндік береді және жедел әрекет етуге ықпал етеді.
ШҚО ПД баспасөз қызметі
