Мемлекеттік әкімшілік қызметке алғаш рет қабылданған қызметшілермен түсіндіру жұмысын жүргізу

2026 жылғы 13 қазанда әдеп жөніндегі уәкіл Ернұр Сұлтанов мемлекеттік әкімшілік қызметке алғаш рет қабылданған қызметшілермен, яғни Егеубаева Алмагуль Габулрафиковна - жұмыспен қамту және әлеуметтік бағдарламалар бөлімінің бас маманы және Қапаров Ернар Еркінұлы - аудан әкімі аппаратының ұйымдастыру-инспекторлық жұмысы, мемлекеттік қызмет көрсетуді мониторингілеу және ақпараттық технологиялар бөлімінің бас маманы кездесу өткізді.
Кездесу барысында мемлекеттік қызметшілердің Әдеп кодексінің талаптары, қызметтік және қызметтен тыс уақыттағы мінез-құлық нормалары, мемлекеттік қызмет туралы заңнама және сыбайлас жемқорлыққа қарсы іс-қимыл мәселелері түсіндірілді.
Сондай-ақ қызметтік әдепті сақтау, дөрекілік пен әдепсіз мінез-құлыққа жол бермеу және мемлекеттік қызметшінің оң имиджін қалыптастыру жөнінде ұсынымдар берілді. Қатысушыларға күнделікті қызметте кездесетін әдеп нормаларына қатысты жағдаяттық мысалдар ұсынылды.
Кездесу қорытындысында мемлекеттік қызметшілерге заңнама мен Әдеп кодексінің талаптарын қатаң сақтау, туындаған сұрақтар бойынша әдеп жөніндегі уәкілге жүгіну ұсынылды.