Маңғыстау облысы бойынша Мемлекеттік кірістер департаменті басшысының орынбасары – этика жөніндегі уәкіл Ертуған Өтегенов Қарақия ауданы бойынша Мемлекеттік кірістер басқармасының қызметкерлерімен көшпелі жұмыс кездесуін өткізді.
Сапар барысында басқарма ұжымымен жұмыс кездесуі, сондай-ақ мамандар мен аудан салық төлеушілерінің жеке қабылдауы өтті. Негізгі назар мемлекеттік қызметтің этикалық нормаларын сақтау, сыбайлас жемқорлық тәуекелдерінің алдын алу, сондай-ақ салық органдарының азаматтармен және бизнеспен өзара іс-қимылының сапасы мен ашықтығын арттыру мәселелеріне аударылды.
Іс-шара мемлекеттік кірістер органдары қызметінің ашықтығын нығайтуға, халықтың сенімін арттыруға және қызметкерлер арасында этикалық мінез-құлықтың тұрақты мәдениетін қалыптастыруға бағытталған. Көшпелі кездесу форматы жергілікті жерлерде өзекті проблемалық мәселелерді тікелей анықтауға және азаматтар мен кәсіпкерлердің өтініштеріне жедел әрекет етуге мүмкіндік береді.
Мұндай кездесулер Маңғыстау облысының мемлекеттік кірістер органдарында сыбайлас жемқорлықтың алдын алу және этикалық мәдениетті дамыту бойынша Департаменттің жүйелі жұмысының бір бөлігі болып табылады.
