«Білім беру ұйымдарында оқушылардың құқықтарының қауіпсіздігі мен қорғалуын қамтамасыз ету» тақырыбы бойынша ведомстволық бағынысты ұйымдардың басшыларымен кеңес

2026 жылғы 9 қазанда мектеп басшыларының қатысуымен Павлодар облысының бала құқықтарын қорғау басқармасының басшысы Калиева Зауреш Жаксылыковна және Железин ауданы әкімінің орынбасары Усина Райхан Каиржановнаның қатысуымен жұмыс кеңесі өтті.
Кездесу барысында мектептердегі балалардың қауіпсіздігін қамтамасыз ету, олардың құқықтарын сақтау, сондай-ақ кәмелетке толмағандар арасында буллингтің және өзге де құқық бұзушылықтардың алдын алу мәселелері талқыланды.
Мектеп әкімшіліктерінің, педагогтер мен ата-аналардың өзара ынтымақтастығына, сондай-ақ туындаған мәселелерге уақтылы ден қоюға ерекше назар аударылды.
Сонымен қатар, пилоттық жоба аясында мұғалімдерді аттестаттау және аудан мектептеріндегі оқу-тәрбие процесін ұйымдастыру мәселелері қаралды.
Кеңес қорытындысы бойынша балалардың білім алуы мен тәрбиеленуі үшін қауіпсіз әрі қолайлы орта қалыптастыруда бірлескен жұмыстың және әрбір тараптың жауапкершілігінің маңыздылығы атап өтілді.