Балалардың әрекеті үшін ата-аналары жауап берді: ЖБО камералары вандализм дерегін тіркеді

Талдықорғанда полицияның Жедел басқару орталығының бейнебақылау камералары қала инфрақұрылымына зиян келтіру дерегін тіркеді. 13 жастағы үш қыз қоғамдық пайдалануға арналған нысандарға сурет салып, бүлдірген. Полиция қызметкерлері кәмелетке толмағандардың жеке басын анықтады. Қыздар әкімшілік жауапкершілікке тартылатын жасқа толмағандықтан, олардың ата-аналары жауапкершілікке тартылды. Полиция ескертеді: қоғамдық мүлікті бүлдіру — жай ғана балалық еркелік емес, заң бұзушылық. Ата-аналарды балаларының тәрбиесіне ерекше көңіл бөліп, мұндай әрекеттердің салдарын түсіндіруге және қоғамдық мүлікке құрметпен қарауға үйретуге шақырамыз. Қаланың тазалығы әрқайсымыздан басталады. Нағыз отансүйгіштік — туған қалаға жанашырлықпен қарап, оның тазалығы мен көркін сақтау!