Депутаттық қызметті дамытуға қосқан үлесі үшін Алтай ауданы мәслихатының VIII шақырылым депутаты Жуваныжбаев Руфат Базырбекұлы «Қазақстан мәслихаттарына 30 жыл» мерекелік медалімен марапатталды.

Руфат Базырбекұлы — шаруа қожалығының басшысы, өзінің сайлау округінің тұрғындары арасында жақсы танымал әрі құрметке ие азамат. Депутаттық қызметінде ол жерлестерінің өтініштері мен мәселелеріне мұқият көңіл бөліп, округтің өзекті мәселелерін шешуге белсенді атсалысып келеді. Сондай-ақ мүмкіндігіне қарай демеушілік көмек көрсетіп, тұрғындардың бастамалары мен қажеттіліктерін қолдайды.
Ол үшін депутаттық мандат — ең алдымен, өзіне сенім білдірген халық алдындағы жауапкершілік.
Руфат Базырбекұлын лайықты марапатымен құттықтап, зор денсаулық, толағай табыс және Алтай ауданы тұрғындарының игілігі жолындағы қызметіне одан әрі жемісті еңбек тілейміз!