Қазақстан Республикасында есту қабілеті бұзылған мүгедектігі бар адамдарға ымдау тілі маманының қызметін алу мүмкіндігі қарастырылған.
Бұл қызмет Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 30 маусымдағы №286 бұйрығымен бекітілген қағидаларға сәйкес көрсетіледі.
Ымдау тілі маманы кім?
Ымдау тілі маманы – есту қабілеті бұзылған мүгедектігі бар адамдарға сурдоаударма арқылы еститін және естімейтін адамдар арасындағы қарым-қатынасты қамтамасыз ететін маман.
Қызмет кімдерге көрсетіледі?
Қызмет есту қабілеті бұзылған мүгедектігі бар адамдарға олардың жеке абилитация және оңалту бағдарламасында (ЖАӨБ) тиісті іс-шара көзделген жағдайда көрсетіледі. Қызмет жергілікті бюджет қаражаты есебінен ұсынылады.
Қалай алуға болады?
Мүгедектігі бар адам немесе оның заңды өкілі тұрғылықты жері бойынша тиісті органға өтініш береді.
Қызметті рәсімдеу үшін:
✅ өтініш;
✅ жеке басын куәландыратын құжат;
✅ қажет болған жағдайда өкілдің сенімхаты ұсынылады.
Мемлекеттік ақпараттық жүйелерде қажетті мәліметтер болған жағдайда, олар электронды түрде алынады.
📌 Өтініш беру кезінде ымдау тілі маманының қызметін Әлеуметтік қызметтер порталы немесе мемлекеттік сатып алу арқылы алу мүмкіндігі қарастырылған.
Ең бастысы — ақпарат пен қарым-қатынасқа қолжетімділік әр адам үшін маңызды.
Өз құқықтарыңызды біліңіз және қажетті әлеуметтік қызметтерді алуға мүмкіндігіңізді пайдаланыңыз!
