Терезеден құлаудың алдын алу шаралары

Бүгін балалардың қауіпсіздігін қамтамасыз ету, терезеден құлау жағдайларының алдын алу мақсатында Еңбекші ауданы әкімінің аппараты, Еңбекші ауданы Төтенше жағдайлар басқармасы және аудандық полиция басқармасының қызметкерлері бірлесіп түсіндіру жұмыстарын жүргізді.

Іс-шара барысында №11 шағын ауданындағы Әлімбетова көшесі, 203, 205, 207 үйлер, Орынбай ақын көшесі, 95А, 95Б, 97 көпқабатты тұрғын үйлерінің тұрғындарына және №36 жалпы орта білім беретін мектептің бастауыш сынып оқушыларына терезеден құлау оқиғаларының алдын алу бойынша түсіндірмелер берілді.

Сонымен қатар, көпбалалы 2 отбасының тұрғын үйлеріне балалардың қауіпсіздігін қамтамасыз ету мақсатында 6 дана қауіпсіздік тросы (блокиратор) орнатылды.

Құрметті ата-ана!

Балаңызды терезе маңында қараусыз қалдырмаңыз. Терезелерге арнайы қауіпсіздік құрылғыларын орнатып, балаңыздың қауіпсіздігіне мұқият болыңыз.