Қазақстан Республикасындағы Адам құқықтары жөніндегі уәкілдің Қызылорда облысы бойынша өкілі Берікбол Байхожаев Қызылорда облысының білім басқармасының «№ 8 облыстық санаториялық мектеп-интернаты» коммуналдық мемлекеттік мекемесіне барды.
Бару барысында білім алушылардың оқу, тұру және тәрбиелену жағдайлары, олардың құқықтары мен заңды мүдделерінің сақталуы зерделенді.
Сонымен қатар мектеп-интернаттағы санитариялық-гигиеналық жағдайларға, медициналық қызмет көрсетуге, тамақтандыруға, қауіпсіздікке және білім алушылардың бос уақытын ұйымдастыруға назар аударылды.
Бару барысында анықталған мәселелер бойынша тиісті шаралар қабылдау үшін бірқатар ұсынымдар әзірленді.
