Қазақстанда халықты әлеуметтік қорғау саласындағы мемлекеттік саясат әлеуметтік тұрақтылықты қамтамасыз етуге, өмірлік қиын жағдайға тап болған азаматтарды қолдауға, отбасылардың әл-ауқатының деңгейін арттыруға және олардың мұқтаждық жағдайынан шығуы үшін жағдайлар жасауға бағытталған.
Қазіргі әлеуметтік саясаттың маңызды қағидаттарының бірі-мемлекеттік қолдау мен азаматтардың жеке жауапкершілігінің үйлесуі. Әлеуметтік көмек объективті қиындықтар туындаған кезде отбасына материалдық қолдау көрсетіп қана қоймай, оның экономикалық тәуелсіздігін қалпына келтіруге ықпал етуі керек.
Осыған байланысты әлеуметтік тәуелділіктің алдын алу ерекше маңызға ие — еңбекке қабілетті азаматтар ұзақ уақыт жұмыс істеу мүмкіндігі болған жағдайда, жұмысқа орналасу және отбасы табысын арттыру үшін қолда бар мүмкіндіктерді пайдаланбай, негізінен әлеуметтік төлемдер мен жәрдемақыларды алуға бағдарланатын жағдай.
Сонымен қатар, әлеуметтік көмек алудың өзі әлеуметтік тәуелділіктің белгісі емес екенін атап өткен жөн. Оған заңды құқығы бар азаматтарға, оның ішінде табысы төмен отбасыларға, өмірлік қиын жағдайға тап болған адамдарға, сондай-ақ Қазақстан Республикасының заңнамасына сәйкес халықтың басқа да санаттарына мемлекеттік қолдау көрсетіледі.
