Аудан жасыл желекті күтіп ұстау үшін жаңа тәсілге жүгіне бастады. Аудан әкімі Еркебұлан Оразалинның айтуынша, автоматты суару жүйесіне қазір суды өзеннен алуды жоспарлап отыр екен. Бұл орталықтандырылған сумен жабдықтау жүйесіне түсетін жүктемені азайтуға мүмкіндік бермек. Аудан басшысы Өңірлік коммуникациялар қызметінде осыған жан-жақты тоқталды.
Мұндай тәсіл біртіндеп суару үшін ауыз суды пайдалануды қысқартып, «Алматы Су» желісіне түсетін қосымша жүктемені азайтуға сеп болады.
Бұл әсіресе су тұтыну көлемі едәуір артатын жаз мезгілінде өте өзекті болып тұр. Қоғамдық кеңістіктерді суару жүйеге қосымша салмақ түсірмей, тұрғын үйлерді сумен қамтамасыз ету параметріне де әсер етпеуі тиіс.
Осылайша, аудан аумағын көгалдандыру егілген өсімдікті одан әрі күтіп-ұстауға қажетті жеке инженерлік инфрақұрылым құрумен қатар жүргізіледі.
Аудан әкімінің айтуынша, биыл осы тәсіл ауданның 14 көшесіндегі учаскеге енгізіліп, шамамен 7,1 га аумақты қамтымақшы. Осыған ұқсас жұмыс Шығыс айналма автомобиль жолының (Шығыс айналма автожолы) бойында да жүргізіле бастады, онда 16 га жасыл аймақ қамтылады.
