Аудан әкімдігі қар тазалау жұмыстарын жүргізетін мердігер ұйымдардың базаларын аралап, техниканың дайындығын және қажетті құрал-жабдықтардың жағдайын пысықтауда.
Сарыарқа ауданында қысқы кезеңдегі санитарлық тазалық жұмыстарына 22 мердігер ұйым жауап береді. Олар автомобиль және жаяу жүргіншілер жолдарын, аула аумақтарын, қоғамдық орындар мен басқа да аумақтарды қардан тазалаумен айналысады.
Қысқы маусымда аудан аумағында 585-тен астам арнайы техника және 770 жол жұмысшысы жұмылдырылуы жоспарланып отыр. Техника мен мамандардың дайындығы алдын ала тексеріліп, қар жауған кезде жұмыстарды жедел ұйымдастыруға басымдық берілмек.
