Алматы облысы Әділет департаменті мен Алматы облыстық адвокаттар алқасының қатысуымен адвокаттардың мемлекет кепілдік берген заң көмегін көрсету мәселелеріне арналған дөңгелек үстел өтті.
Іс-шара барысында азаматтарға білікті заң көмегін ұйымдастыру және көрсетуге қатысты өзекті мәселелер, сондай-ақ Қазақстан Республикасының заңнамасы шеңберінде құқықтық көмектің қолжетімділігін қамтамасыз етудің практикалық аспектілері талқыланды.
Бірыңғай білікті заң көмегінің цифрлық жүйесіне ерекше назар аударылды. Қатысушыларға жүйенің негізгі мүмкіндіктері, оны қолдану тәртібі, сондай-ақ заң көмегін көрсету процестерін цифрландыру мәселелері түсіндірілді.
Дөңгелек үстел аясында құқық қолдану практикасының өзекті мәселелері және әділет органдары мен адвокаттар қауымдастығы арасындағы өзара іс-қимылды жетілдіру жөнінде сындарлы пікір алмасу өтті.
