Азаматтарды ақпараттандыру үшін «Мүгедектігі бар адамдарды әлеуметтік қорғау» ақпараттық порталында (inva.gov.kz) өңірлер бөлінісіндегі нысандардың қолжетімділік картасы жұмыс істейді, ол ел бойынша әлеуметтік инфрақұрылым нысандарының қолжетімділігі туралы мәліметтерді қамтиды.
Қолжетімділік мүгедектігі бар адамдардың барлық санаттары үшін: есту, көру қабілеті бұзылған және арбамен жүретін тірек-қимыл аппараты бұзылған адамдар үшін ескеріледі.
Порталда Қазақстан инфрақұрылым нысандарының қолжетімділігі туралы ақпарат көрсетіледі. Пайдаланушылар нысандардың қолжетімділік деңгейін өз бетінше бағалап, пікірлер мен комментарийлер қалдыру арқылы объективті көріністі қалыптастыра алады.
Порталдың функционалдық мүмкіндіктері нысандарды әртүрлі критерийлер бойынша іздеуге мүмкіндік береді, соның ішінде:
географиялық орналасуы,
мекеме категориясы және оның қолжетімділік дәрежесі.
Қолжетімділік картасы деректерді визуализациялауды және қызығушылық тудыратын аудандар мен қалалар бойынша ыңғайлы навигацияны қамтамасыз етеді. Әрбір нысан үшін толық ақпаратты қамтитын егжей-тегжейлі карточка жасалады: Нысанның фотосы, мекенжайы, құрылыс жылы, жылжымайтын мүлік түрі, қабат саны және мақсаты. Арнайы әзірленген әдістеме бойынша бағаланатын қолжетімділік параметрлеріне ерекше назар аударылады. Жүйе нысандарды қолжетімділік деңгейі бойынша сүзуді қолдайды: толық қолжетімді, ішінара қолжетімді, қолжетімді емес.
Деректер базасын тұрақты жаңартып отыру пайдаланушылардың нысандардың жай-күйі туралы толық ақпарат алуын қамтамасыз етеді. Портал қолжетімді ортаны құруға жауапты ұйымдардың ашықтығы мен есептілігін арттыруға ықпал етеді.
Портал ақпаратты категориялар бойынша көруге ғана емес, сонымен қатар нысандарды қолжетімділік деңгейі бойынша бір-бірімен салыстыруға мүмкіндік береді. Пайдаланушылар маршруттарды жоспарлау немесе нақты тапсырмаларды шешу үшін нысандардың өз таңдауларын қалыптастыра алады.
Порталдың маңызды ерекшелігі — әрбір категория ішіндегі нысандарды қосымша параметрлер бойынша сүзу мүмкіндігі. Мысалы, «Спорт» категориясында тек бассейндерді немесе тек спорт клубтарын бөлек қарауға болады. «Білім беру» категориясында оқу орындарының түрлері бойынша сүзу қолжетімді. Мұндай терең детальдау пайдаланушыларға өздерінің нақты қажеттіліктеріне сәйкес келетін нысандарды табуға мүмкіндік береді.
«Қолжетімді орта» порталы Қазақстан Республикасы бойынша нысандардың қолжетімділік жағдайы туралы статистикалық деректерді талдау мүмкіндіктерін ұсынады.
«Қолжетімді орта» бөлімі деректерді автоматты түрде алмасу және азаматтардың өтініштерін өңдеу үшін электрондық үкімет жүйелерімен интеграцияланған. Бұл азаматтарға нысанның ағымдағы жағдайын бағалауға немесе пікір қалдыруға мүмкіндік береді. Сондай-ақ, Халықты әлеуметтік қорғау саласындағы реттеу және бақылау комитетінің аумақтық департаментіне шағым жіберуге болады.
inva.gov.kz — бұл жай ғана сайт емес, бұл портал қоғамға тең мүмкіндіктер мен әлеуметтік ортаға тең қолжетімділік береді.
