Атырау облысының әкімі Болат Ақшолақовтың өкімімен Гүлнафис Айшуақова Атырау облысы балалар құқықтарын қорғау басқармасының басшысы лауазымына тағайындалды.
Гүлнафис Айшуақова 1984 жылғы 24 қарашада дүниеге келген. 2007 жылы Қазақ гуманитарлық-заң университетін «Құқықтану» мамандығы бойынша тәмамдаған. Еңбек жолын 2008 жылы Жылыой ауданының Құлсары қаласындағы «Карат» ЖШС-де заңгердің көмекшісі болып бастаған.
Әр жылдары заң кеңесшісі, іс жүргізу жөніндегі инспектор, Жылыой ауданы әкімі аппаратының бас маманы және бас инспекторы қызметтерін атқарған.
2019-2023 жылдар аралығында Жылыой ауданының ішкі саясат бөлімін басқарды.
2023 жылғы қаңтардан бастап жаңа қызметке тағайындалғанша Жылыой ауданы әкімінің орынбасары лауазымында еңбек етті.
