⚜️ 2026 жылғы 29 қыркүйекте Халықты әлеуметтік қорғау саласындағы реттеу және бақылау комитетінің Жетісу облысы бойынша департаментінің басшысы З.Илимжанова және медициналық-әлеуметтік сараптама бөлімінің басшысы К.Болтаева «Нұр – Авиценум» медициналық орталығының дәрігерлік-консультациялық комиссиясының басшылығы және қызметкерлерімен семинар-кеңес өткізді.
🔹Семинар-кеңес барысында медициналық-әлеуметтік сараптама жүргізу қағидаларына енгізілген өзгерістер, атап айтқанда, коматоздық жағдайдағы адамдарға сараптама жүргізу мәселелері талқыланды.
🔹Сонымен қатар медициналық құжаттаманы сапалы толтыруға, сондай-ақ медициналық-әлеуметтік сараптамаға жолдау кезінде дұрыс емес және жалған құжаттарды ұсынуға жол бермеуге ерекше назар аударылды.
🔹 Өз кезегінде, клиника ұжымы тарапынан көтерілген мәселелер мен ұсыныстар тыңдалып, олар бойынша тиісті түсіндірмелер берілді.
🔹 Кездесу қорытындысы бойынша азаматтарға көрсетілетін медициналық және әлеуметтік қызметтердің сапасы мен қолжетімділігін қамтамасыз ету, сондай-ақ медициналық-әлеуметтік сараптамаға жолдау рәсімдерін Медициналық-әлеуметтік сараптама жүргізу қағидаларының талаптарына қатаң сәйкестікте жүзеге асыру қажеттілігі атап өтілді.
