Ұлытау облысы ТЖД Өнеркәсіптік қауіпсіздік басқармасы инспекторларының қатысуымен кезекті оқу-жаттығу дабылы өтті. Шара барысында персоналдың ықтимал авариялық жағдайлар кезіндегі іс-қимылдары бағаланып, өнеркәсіптік қауіпсіздікті одан әрі арттыру бойынша ұсынымдар берілді. Оқу-жаттығу жиыны «ҚазТрансОйл» АҚ Жезқазған мұнай құбыры басқармасының нысандарында ұйымдастырылды. Басты мақсат –қызметкерлердің төтенше жағдайларға жедел әрі үйлесімді әрекет ету дайындығын тексеру.
Сценарийге сәйкес, РВСП № 5 және РВС № 1 резервуарларындағы сифонды крандардың герметикалығы бұзылған кездегі шұғыл шаралар пысықталды. Атап айтқанда, кезекші қызметтерді жедел хабардар ету, ағын орнын оқшаулау, жабдықтарды ажырату және қауіпті аймақты қоршау жұмыстары сәтті орындалды.
