Қазақстан мен Израиль спорт саласындағы ынтымақтастықтың жаңа бағыттарын талқылады

Қазақстан Республикасының Израиль Мемлекетіндегі Елшісі Дәулет Ембердиев Израиль Мемлекетінің Мәдениет және спорт министрі Мики Зоармен кездесті. Кездесу барысында спорт саласындағы екіжақты ынтымақтастықты одан әрі дамытудың перспективалары талқыланды.
Кездесу Қазақстан-Израиль қатынастарының қарқынды дамуы аясында өтті. Соңғы бір жыл ішінде екі ел арасында бірқатар өзара сапарлар мен жоғары деңгейдегі байланыстар жүзеге асырылып, бұл практикалық ынтымақтастықты одан әрі кеңейтуге қолайлы жағдай қалыптастырды.
Тараптар спорт дипломатиясының гуманитарлық байланыстарды нығайту және Қазақстан мен Израиль халықтары арасындағы өзара түсіністікті арттырудың маңызды құралы ретіндегі әлеуетін атап өтті.
Сонымен қатар, халықаралық спорт ұйымдары аясындағы өзара қолдауды үйлестіру тетіктері талқыланды. Тараптар өзара мүдделілік білдіретін мәселелер бойынша сындарлы диалог пен өзара іс-қимылдың маңыздылығын атап өтті.
Қазақстан тарапы екі елдің спорт саласындағы уәкілетті органдары арасындағы тікелей байланыстарды одан әрі дамытуға және бірлескен жобаларды іске асыруға ықпал ететін ынтымақтастықтың жаңа форматтарын қарастыруға мүдделілік білдірді.
Кездесу қорытындысы бойынша тараптар ынтымақтастықтың нақты бағыттары бойынша өзара іс-қимылды жалғастыруға және Қазақстан мен Израиль арасындағы спорт саласындағы ынтымақтастыққа қосымша серпін беруге дайын екендерін растады.
Спорттық байланыстарды дамыту Қазақстан мен Израиль арасындағы гуманитарлық ынтымақтастықты және достық қатынастарды одан әрі нығайтудың перспективалы бағыттарының бірі ретінде қарастырылады.