1 қыркүйекте Бірлік ауылдық округі әкімі аппаратының мамандары округтің ветеринарымен бірлесіп, тұрғындар арасында ақпараттық-түсіндіру жұмыстарын жүргізді. Кездесулер барысында мал ұрлығының алдын алу, ауыл шаруашылығы жануарларын уақтылы сәйкестендіру (АШЖ) және мал басын бақылау үшін GPS-трекерлерді енгізу мәселелері талқыланды. Мал иелеріне арналған, мал туралы деректерді өз бетінше бақылауға, мәліметтерді өзектендіруге және ветеринарлық қызметтерді цифрлық форматта алуға мүмкіндік беретін «TORT TULIK» мобильді қосымшасының таныстырылымына ерекше назар аударылды. Тұрғындарға ақпараттық жадынамалар таратылып, жайылымды ұйымдастыру тәртібі, сырғалаудың маңыздылығы және малды қараусыз қалдырғаны үшін жауапкершілік туралы толығырақ түсіндірілді.
