Ақмола облысында полиция қызметкерлері арнайы техниканың орналасқан жерін анықтады, оның жоғалғаны туралы құрылыс компаниясы мәлімдеген болатын. Автогрейдердің құны 25 миллион теңгеге бағаланады.
2026 жылғы 23 қыркүйекте Қорғалжын ауданының полиция бөліміне ЖШС бірінің өкілі 2014 жылы шыққан GR-215 маркалы автогрейдердің жоғалғаны туралы өтінішпен жүгінді.
Тексеру барысында анықталғандай, техника Қорғалжын ауданында жол жұмыстарын жүргізу кезінде пайдаланылды. 2025 жылдың соңында қозғалтқыштың істен шығуына байланысты автогрейдер Сабынды ауылының маңындағы жол бойында қалдырылды.
Өтініш келіп түскеннен кейін полицейлер дереу қажетті жедел-іздестіру іс-шараларын жүргізуге кірісті.
Нәтижесінде құқық қорғау органдары автогрейдердің орналасқан жерін анықтады. Техника Аршалы ауданы Жібек жолы ауылында табылды.
Осы факті бойынша сотқа дейінгі тергеу басталды. Қазіргі уақытта қажетті тергеу әрекеттері жүргізілуде, болған оқиғаның барлық мән-жайлары, сондай-ақ арнайы техниканы заңсыз иемденуге қатысы бар адамдар белгіленуде.
Полиция автогрейдерден шешіп алынған қозғалтқыштың орналасқан жерін және оның жоғалу мән-жайларын анықтау бойынша жұмысты жалғастыруда.
