Жыл сайын Өскемен қаласында Қала күніне орай ұйымдастырылатын іс- шаралар аясында бал жәрмеңкесі өткізіледі. Биыл да аталған дәстүр жалғасын тауып, бал жәрмеңкесі ұйымдастырылды.
Жобаның негізгі мақсаты- облыстың әр өңірінен келген үздік омарташылардың басын қосып, өзара тәжірбие алмасуына мүмкіндік жасау, сондай- ақ Шығыс Қазақстан тұрғындары мен қала қонақтарына табиғи бал мен ара шаруашылығы өнімдерін тиімді бағамен ұсыну.
Жәрмеңке барысында географиялық нұсқамалардың мемлекеттік тізіліміне еңгізілген «Мед Алтайский» шаруа қожалығының – «Катон-Қарағай табиғи балы» өнімдері жыл сайын көпшілік назарына ұсынылады.
Бұл іс-шара омарташылар арасында тәжірбие алмасуға, отандық өнімдерді кеңінен насихаттауға және тұтынушыларға сапалы әрі табиғи ара шаруашылығы өнімдерін тікелей өндірушілерден сатып алуға мүмкіндік береді.
