Қазіргі таңда интернет-алаяқтықтың жаңа тәсілдері кеңінен таралуда. Алаяқтар өздерін полиция, прокуратура, банк немесе басқа да құқық қорғау органдарының қызметкерлері ретінде таныстырып, азаматтарға қоңырау шалады.
Олар түрлі сылтаумен азаматтардың телефонына келген SMS-кодты, банк картасының деректерін, жеке мәліметтерін немесе мобильді қосымшадағы растау кодтарын сұрауы мүмкін.
Есте сақтаңыз: құқық қорғау органдарының қызметкерлері телефон арқылы банк картасының деректерін, SMS-кодтарды және құпия ақпаратты сұрамайды.
Қауіпсіздік үшін:
бейтаныс адамдарға SMS арқылы келген кодтарды айтпаңыз;
банк картасының нөмірі, CVV-коды және басқа да құпия деректерді бермеңіз;
күмәнді сілтемелерге өтпеңіз;
қоңырау шалушы өзін полиция қызметкері ретінде таныстырса, әңгімені тоқтатып, ақпаратты ресми арналар арқылы тексеріңіз.
Алаяқтарға алданбаңыз! Қырағы болыңыз және жақындарыңызға ескертіңіз.
