АДАЛ АЗАМАТ — ҚОҒАМНЫҢ ТІРЕГІ: ҚР Әділет Министрлігі Ұлытау облысы Әділет департаменті мектепте семинар өткізді.

АДАЛ АЗАМАТ — ҚОҒАМНЫҢ ТІРЕГІ:
ҚР Әділет Министрлігі Ұлытау облысы Әділет департаменті мектепте семинар өткізді.
10 қыркүйек күні Ұлытау облысы Әділет департаменті Жезқазған қаласының №8 мектеп-гимназиясында «Адал азамат — қоғамның тірегі» тақырыбында кезекті тағылымды семинар ұйымдастырды.
Бұл шара жастардың бойында адалдық, жауапкершілік және патриотизм құндылықтарын дәріптеуге бағытталды.
Семинар аясында Әділет департаментінің қызметкері Р.М.Жиенбаева адал азаматтың қоғам дамуындағы рөлі, заңдарды құрметтеу және сыбайлас жемқорлыққа қарсы мәдениетті қалыптастыру төңірегінде маңызды ақпараттармен бөлісті.
Оқушылар өз кезегінде «адалдық» ұғымын қалай түсінетіндіктерін жеткізіп, қоғамға пайдалы азамат болудың жолдары туралы ой қозғады.
Шара соңында мектеп басшылығы осындай құқықтық тәрбие беретін кездесулердің болашақ ұрпақ үшін маңыздылығын атап өтті.
Адалдық пен әділдік — мықты мемлекеттің негізі. Мектеп қабырғасынан бастап әрбір оқушының санасына заңға деген құрметті ұялату — ортақ міндетіміз.