Қызылорда облысының цифрлық технологиялар басқармасы
Байланыс қызметінің сапасына қатысты қайда шағымдануға болады?
Байланыс қызметінің сапасына қатысты мәселелер бойынша азаматтар Қазақстан Республикасының Жасанды интеллект және цифрлық даму министрлігінің Телекоммуникация комитетінің облысаралық байланыс инспекцияларына,сондай-ақ,облыс әкімдіктеріне шағымдана алады.
109 нөмірі барлық байланыс операторларында жұмыс істей ме?
Иә, 109 нөмірі облыс аумағында барлық негізгі ұялы байланыс операторларының абоненттері үшін қолжетімді.
Менің мәселемді 109 арқылы шешуге бола ма?
Иә, өтініш тіркеліп, жауапты мекемелерге жолданады және орындалуы бақыланады.
109-ға қоңырау шалу тегін бе?
Иә, 109 қысқа нөміріне қоңырау шалу тегін.
109 нөміріне қандай жағдайларда хабарласуға болады?
Жарық, су, жылу, газ, жол, абаттандыру, аула тазалығы және басқа да қалалық мәселелер бойынша хабарласуға болады.
109 деген қандай қызмет?
109 - тұрғындардың коммуналдық, қалалық инфрақұрылым және тұрмыстық мәселелері бойынша өтініштерін қабылдайтын бірыңғай байланыс орталығы.
Smart City-дің ең үлкен тәуекелі қандай?
Smart City-дің ең үлкен тәуекелдерінің бірі — киберқауіпсіздік, себебі барлық жүйелер цифрлық болғандықтан, олар хакерлік шабуылдарға осал болуы мүмкін.
Автоматтандыру артса, адамның рөлі қандай болады?
Жүйелер толық автоматтандырылған жағдайда да адамның рөлі сақталады, өйткені адам стратегиялық шешімдер қабылдап, жүйелерді бақылап отырады, әсіресе төтенше жағдайларда.
Smart City-де жасанды интеллекттің рөлі қандай?
Smart City-де жасанды интеллект деректерді талдап, болжау жасап, кейбір шешімдерді автоматты түрде қабылдауға мүмкіндік береді, сондықтан ол негізгі технологиялардың бірі болып саналады.
