Көтергіш және қоршау конструкциялары болып табылмайтын, гипсокартон және шыны қалқаларды орнатуға байланысты үй-жайды қайта жоспарлау заңдастыруға жатады ма (объектіні пайдалануға қабылдау актісін ресімдеумен)?

Қазақстан Республикасындағы құрылыс қызметі «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының (бұдан әрі-Заң) нормаларына және мемлекеттік құрылыс нормативтеріне сәйкес жүзеге асырылады.

Заңның 60-бабының 2-тармағына сәйкес, жобалау (жобалау-сметалық) құжаттамасынсыз не нобайлар (эскиздік жобалар) бойынша тапсырыс беруші (меншік иесі) республикалық маңызы бар қалалардың, астананың, аудандардың (облыстық маңызы бар қалалардың) жергілікті атқарушы органдарымен келісім бойынша, қосымша жер учаскесін (аумақ қиығын) бөлуді талап етпейтін, тіреу конструкцияларының, инженерлік жүйелер мен коммуникациялардың қандай да бір өзгерістерімен байланысты емес, сәулет-эстетикалық, өртке қарсы, жарылысқа қарсы және санитариялық сапасын нашарлатпайтын, пайдалану кезінде қоршаған ортаға зиянды әсер етпейтін тұрғын үйлердегі (тұрғын ғимараттардағы) тұрғын және тұрғын емес үй-жайларды қайта жаңартуды (қайта жоспарлауды, қайта жабдықтауды) жүзеге асыра алады

Заңның 74-бабының 1-тармағына сәйкес меншік иесі (тапсырыс беруші, инвестор, құрылыс салушы) құрылысы аяқталған техникалық күрделі емес объектілерді пайдалануға қабылдауды, атап айтқанда тіреу және қоршау конструкцияларын өзгертуге байланысты емес қолданыстағы ғимараттардың үй-жайларын (жекелеген бөліктерін) қайта жоспарлау арқылы қайта жаңартуды дербес жүзеге асырады.

Егер осы баптың 1-тармағында көрсетілген үй-жайларды (ғимараттың жекелеген бөліктерін) өзгерту, сондай-ақ аталған техникалық жағынан күрделі емес объектілерді салу мен пайдалану басқа азаматтардың құқықтарына нұқсан келтірсе не мемлекеттік және (немесе) қоғамдық мүдделерге қайшы келсе, осы баптың нормалары қолданылмайды.

Осы баптың нормалары келесі объектілерге де қолданылмайды:

1) құрылысы мемлекеттік инвестициялар есебінен не олардың қатысуымен қаржыландырылатын;

2) Осы баптың 1-тармағының 1) тармақшасын қоспағанда, сейсмикалық қауіптілігі жоғары немесе оларды іске асыру кезінде арнайы жобалық шешімдер мен іс-шараларды талап ететін өзге де ерекше геологиялық (гидрогеологиялық) және геотехникалық жағдайлары бар аймақтарда орналасқан екі қабаттан жоғары жеке тұрғын үйлер салуға құқығы бар.

Тіреу және қоршау конструкцияларын, инженерлік жүйелер мен жабдықтарды өзгертуге байланысты емес қолданыстағы ғимараттар мен құрылыстардың үй-жайларын (жекелеген бөліктерін) реконструкциялау (қайта жоспарлау, қайта жабдықтау) лицензиясы бар тұлғалар орындаған техникалық жоба негізінде жүзеге асырылады. ЖАО шешімін алу, жобаны жобалау және сараптау талап етілмейді.

Яғни, өтініш беруші бұл жағдайда көтергіш және қоршау конструкцияларына өзгерістер енгізбейді, сондай-ақ қолданыстағы инженерлік жүйелер мен жабдықтарды қозғамайды (қуаттылықты арттыру, конфигурацияны өзгерту).

Меншік иесінің салынған объектіні пайдалануға өз бетінше қабылдау қағидалары, сондай-ақ қабылдау актісінің нысаны ҚР Инвестициялар және даму министрінің 2017 жылғы 13 желтоқсандағы №867 бұйрығымен бекітілген