Жануарлар дүниесін пайдалануға рұқсатты қалай алуға болады?

Жануарлар дүниесін пайдалануға рұқсат алу үшін сізге:

1. Е-лицензиялау электрондық үкімет порталында электрондық-цифрлық қолтаңба немесе бір реттік СМС-пароль арқылы авторлану;
2. «Қоршаған ортаны қорғау» бөлімінде «Жануарлар дүниесін пайдалануға рұқсат беру» қызметін таңдау;
3. Пайдалану түрін таңдау (кәсіпшілік, әуесқойлық (спорттық) балық аулау, мелиоративтік аулау және т.б.);
4. Өтінішті толтыру, су айдынын, балықтың түрін және алып қоюға жоспарланған мөлшерін көрсету, балықшылардың тізімін және мерзімін, сондай-ақ алып қою құралын көрсету;
5. Төлем туралы түбіртекті тіркеп, электрондық-цифрлық қолтаңбамен қол қою қажет.