Сәлеметсізбе! Құжаттарды электрондық түрде апостильдеуге боладыма?
Саламатсыз ба! Иә, мүмкін.
ҚР әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою Қағидасына сәйкес, "электрондық үкімет" веб-порталы (бұдан әрі - портал) арқылы электрондық түрде өтініш беріледі.
Көрсетілетін қызметті алушы электрондық цифрлық қолтаңбасы (бұдан әрі - ЭЦҚ) болған жағдайда мемлекеттік көрсетілетін қызметті электрондық нысанда портал арқылы алуға мүмкіндігі бар.
Электрондық апостиль ЭҮП арқылы уәкілетті мемлекеттік орган өтініш берген кезде берген қорғау кодын (қауіпсіздік коды және өтінім коды) қолдана отырып, апостильді жүктеу арқылы беріледі.
Электрондық апостиль мөртабанының астында электрондық беттің мекенжайына сілтеме көрсетіледі https://egov.kz/cms/ru/services/apostil/apostil.
Шет мемлекеттің уәкілетті органы көрсетілген электрондық мекенжайда екі қорғау кодын (қауіпсіздік коды және өтінім) енгізу арқылы электрондық апостиль мөртабаны бар ресми құжатты тексеруді жүзеге асырады.
Осыған байланысты апостиль қоюдың осы автоматтандырылған рәсімі азаматтарға мемлекеттік қызметті онлайн режимінде алуға мүмкіндік береді.
Осылайша, электрондық апостиль - апостильді қою, жазу және тексеру үшін жылдам, қауіпсіз және қағазсыз процедураны енгізеді.
ҚР- да жасалған әрбір ресми құжатқа апостиль қойғаны үшін - 0,5 АЕК мемлекеттік баж салығы өндіріледі.
Жеке сот орындаушысына өтінішті қалай жолдауға болады?
2025 жылғы 1 шілдеден бастап Қазақстан Республикасы Әділет министрлігі азаматтардың ыңғайлылығы үшін «Тараптар кабинеті» онлайн-сервисін енгізді. «Тараптар кабинеті» сервисіне қол жеткізу үшін атқарушылық іс жүргізу тараптары, яғни өндіріп алушы немесе борышкер, aisoip.adilet.gov...
Kaspi Bank қосымшасы арқылы айыппұлды қалай төлеуге болады?
Kaspi қосымшасында: «Төлемдер» → «Айыппұлдар мен салықтар» → «Сот берешегін төлеу» бөліміне өтіп, ЖСН-іңізді енгізіп, айыппұлды төлей аласыз.
Алимент бойынша берешек қалай есептеледі?
Егер борышкер ресми түрде жұмыс істесе, берешек оның жалақысы негізінде есептеледі. Егер борышкер жұмыс істемесе, алимент бойынша берешек орташа айлық жалақы мөлшеріне қарай есептеледі.
Сізден басқа сот орындаушыларында менің берешегім бар-жоғын қалай білуге болады?
Интернет желісі арқылы aisoip.adilet.gov.kz сайтына кіріп, қажетті ақпаратты тексеруге болады.
Сот шешімін немесе өзге де сот актісін және атқарушылық құжатты орындамағаны үшін жауапкершілік көзделген бе?
Иә. Борышкер сот актісін немесе атқарушылық құжатты орындамаған жағдайда Қазақстан Республикасы Әкімшілік құқық бұзушылық туралы кодексінің 669-бабының 1-бөлігіне сәйкес жауаптылық көзделген. Осы бапқа сәйкес: жеке тұлғаларға 5 АЕК мөлшерінде айыппұл салынады немесе 20 сағатқа де...
Әкімшілік жауаптылыққа бір рет тартылған адам сол құқық бұзушылық үшін қайтадан жауапқа тартылуы мүмкін бе?
Жоқ. Қазақстан Республикасының Әкімшілік құқық бұзушылық туралы кодексінің 12-бабына сәйкес, бір құқық бұзушылық үшін қайтадан әкімшілік жауаптылыққа тартуға жол берілмейді.
Сот орындаушысының атқарушылық құжаттарды орындауына кедергі келтіргені үшін жауапкершілік қарастырылған ба?
Иә. Егер жеке немесе заңды тұлғалар сот орындаушысының немесе сот приставының атқарушылық әрекеттерді (түгендеу, бағалау, тыйым салу, сауда-саттық өткізу) жүзеге асыруына кедергі келтірсе немесе оның заңды талаптарын орындаудан бас тартса: жеке тұлғаларға 10 айлық есептік көрсетк...
Неліктен банк шотыма тыйым салынғанын тек бұғатталғаннан кейін білдім?
Шотқа тыйым салу екінші деңгейдегі банктер мен ақпараттық жүйелер арқылы электрондық форматта жедел түрде қолданылуы мүмкін. Бұл қолданыстағы заңнаманы бұзу болып табылмайды.
